《乾到甩皮貼妝四寶》
事緣大前晚屙嘔肚痛，在廁所經歷慘絕人寰的晚上後，皮膚的確乾到甩皮，竟然夏天都甩皮啊陰公。係人都知夏天長時間在冷氣房吹風，皮膚會被抽乾水，阿媽教落要擺杯水喺房保持濕度，所以平時夏天我都可以保持到水潤皮膚，但天有不測之風雲，一個腸胃炎就搞到前排做嘅facial 保濕盡廢，於是我就搵搵屋企有咩法寶幫幫自己。
1. SNO cooling mask冰川幹細胞冷膜 ：前排買落，一直未用，因為價錢唔算好平(平時用開$20塊的面膜相比)，但非常時期要用非常護膚品。專櫃BA姐姐教我一次用一粒保濕效果會最好，但慳家如我，就決定分兩次用！呢隻MASK 唔使洗，敷落涼涼地，BA話敷15分鐘就要按摩直至吸收，但我攤落床唔夠5分鐘就瞓著，到今朝起身，我真係好想大嗌，皮~膚~好~滑~啊~，有種不勞而獲的感覺，下巴兩粒暗瘡仲謝埋，今晚返去再敷埋另外果半粒先。
以前化妝師推介M.A.C六色遮暇，因為又平($3XX)又耐用，所以買咗盒，但真係乾到叫救命，以前做主播，入廠前半小時先化好妝，所以用佢問題不大，但讀完CAST 我會即刻落妝，因為真係太乾又浮粉，但今次試嘅M.A.C產品令我大大改觀，我予以正評！
2. MAC妝前保濕精華液PREP + PRIME MOISTURE INFUSION：乳白色透明狀，我用手上，加少少按壓幫佢吸收，之後再上RMK BASE ，個妝超乎我想象咁貼妝，好用過搽CREAM 打底。
3. MAC新出氣墊粉：本身對氣墊粉都係哀莫大於心死，之前用過YSL果種，超薄超裸妝，行出街就一秒變素顏。我好中意妝感較重，裸妝我會好無安全感，好彩呢隻MAC 貼得來夠遮暇，唔溶妝唔浮粉，不過佢行光澤路線，怕人以為你成面油嘅囡囡最好加層碎粉定妝。
4. MAKE UP FOR EVER礦物碎粉，我會出油，油到溶妝果種，所以上粉底後我一定要加層碎粉定妝，呢隻控油定妝做得唔錯，仲重要係上完個妝睇落唔會厚咗，皮膚睇落會更光滑，可以扮自己搽好薄嘅粉底。
長期畀人話塊面好乾燥的靚女們，不妨試試，我好容易乾到甩皮都見效，如果你無我咁嚴重，一定效果仲好。
Joy Beauty & Swiss Organic
MAC Cosmetics
Makeupforever
Search